खाडाखोड

माझ्या रांडेसारख्या कवितेला मी कधीच तुमच्या गल्लीत फिरकू देत नाही तुमच्या गल्लीत म्हणे गळ्यात मंगळसूत्र घालून स्वतःला सुंस्कृत म्हणवत  कविता उभ्या असतात तुमच्या कवितांना इर्शाद आणि दर दोन्हीही जास्त मिळतो आमच्या कविता तितक्या कमाई करत नाहीत पण..पण, छापेमारीत आमच्या कविता सापडतात तेव्हा त्या तुमच्या कवितांसारखं तोंड झाकून जात नाहीत कारण आमच्या धंद्यांचा एक वसूल आहे गिर्हाईकाला झुरवत झुलवत बसायचं नाही मग नफा होवो अगर तोटा कारण नावाला मंगळसूत्र घालून पतिव्रता होत नाही कुठली कविता...