रेगोटया

लोकं म्हणतात मी
वाईट, फालतु माणूस आहे 
कारण मी रस्त्यावर पडलेली
स्त्रियांची अंतरवस्त्र गोळा करत 
फिरतो 
तसही त्यांची काहीच 
चूक नाही म्हणा
कारण रसत्यावर पडलेली प्रत्येक
गोष्ट कचरा आहे
असच भिनलय त्यांच्या
मखमली रेशमी डोक्यात

लोक म्हणतात मी
वाईट, फालतु माणुस आहे
कारण त्या अंतरवस्त्रांचे वास
मी हुंगत असतो 
तसही त्यांची काहीच 
चूक नाहिये म्हणा
महागडया सुंगधी अत्तर , सेंट
याच्या धुंधीत त्यांना
त्या अंतरवस्त्रातल्या रक्तांचे घामाचे वास कुठुन येतील

लोक म्हणतात
मी खरच वाईट, फालतु,
नालायक, बेअक्ल, बेशरम ,
बावळट, मुर्ख, घाणेरडा आहे
कारण ती अंतरवस्त्रे मी 
स्वतः घालुन बघत असतो 
तसही, आताही त्यांची
काहीच चुक नाहिये म्हणा
कारण अगदी पॉश , टापटीप
कपड़े घालणाऱ्यानी 
कधी स्वताला या फाटक्या
कपड्यात बसवलच नाही
मग त्यांना कस कळणार 
की बलात्कार झालेल्या मला
या फाटक्या, कच-यात पडलेल्या
स्त्रियांच्या कपड्यात रुतुन बसलेल्या
सम्भोगाच्या हवसेने 
किती नागवं केलय ते 



मी आजवर हुंगुन, ते कपड़े घालुन  
नेमक काय शोधत होतो ,  तर
माझ हरवलेल शुद्ध शरीर
इतक होऊनही त्यांना
कधीच कळल नाही की 

बलात्कार हे पुरुषावरही होतात