•

एक पान मागे राहीलय
फादींवर तग धरुन हटटाने
सगळी पाने केव्हाची झडलीत तरी

त्याला अजुनही वाटतय
या फादींवर घरटं बाधंलेलं पाखरु
जे ऊडुन गेलय ते परत येईल

ते आता पिकायला तयारच नाही
ते झाडाशी रुसुन बसलय
आणि गळुुन पडलेल्या पानावर
राग धरुन

त्याला जगात खोटीही असतात पाखरं
आणि त्याचं घरटं बाधण्यापुरतच प्रेम
हे ऊमगतच नाहीए
किबंहुना त्याला ऊमगुन घ्यायचच नाही

अशी वेडीपीशी झालेली पानं
गळुन पडतातच नियमाप्रमाणे
सुकतात तुकडे होतात

त्यातलाच एक ईवलासा तुकडा
चोचीत धरुन एखादं नवं चिटपाखरु
घेऊन जातं आपलं घरटं बाधांयला

अन हे येडं राजकारण विसरुन
पुन्हा पडायला लागतं प्रेमात
आताही त्याला कळत नाहीए
की त्याचं प्रेम जन्माला घालण्यासाठी
याचा वापर करताहेत

ते पुन्हा हिरवं बनायचा
प्रयत्न करतय

अशा निरागस पानांच
आणि त्या मौसमी पाखराचं काय करांव ?