नोंद

खूप मनापासून वाटतं
एखादा मोठा गुन्हा करावा
कोर्टाने फाशीची शिक्षा सूनवावी
आणि विचारावं तुझी शेवटची ईच्छा काय ?
गेल्या कित्येक पिढ्या न पिढ्या
आमची नोंद कुठेच केली गेली नाही
आणि तुमची ईच्छा काय म्हणून
कधी विचारलंही नाही कुणी

निदान या निमित्ताने का होईना
कुठल्या तरी सरकारी कागदामध्ये
आमची नोंद तरी राहील आणि
कुणीतरी आम्हाला मरण्याआधी
तरी का होईना विचारपूस केली
तुम्हाला काय हवंय म्हणून
याचा आनंद तरी होईल