कोणाचं दुखं मोठं ?

कोणाचा तवा
नुसताच जळतोय चुलीवर
भाकरीविना
कोणाची भाकर हातातच पडुन
तव्याविना
कोणाला घासच नाही
भाकर तवा असुन
हाताविना
कोणाचं दुखं मोठ ?
जळणा-या तव्याच
हातावरच्या भाकरीचं
की हात नसल्याचं
ऊत्तर सापडलं ते
स्मशानापाशी
मला जाळताना शिंपडायला
आणलेलं तुप जेव्हा
कोणीतरी माझ्या सरणावर कमी
अन स्वताच्या अगांवर
जास्त साडुंन घेत होतं
नंतर कापडं पिळुन भांडयात
तुप काढुन घेता येईल म्हणुन
तेव्हा कळलं
कोणाचं दुखं मोठं तर
रिकाम्या प्रत्येक पोटाचं........