रेगोटया

एक समुद्र आहे मनात

लाटा नाहीत

फेस नाही

मासे, मोती, झाडे

काही काही नाहिये आतमधे

नुसताच समुद्र.. 

अस ऐकल होत

समुद्रकिनारी भुत असतात

किनारा सापडला नसेल 

भूतानां अजुन कदाचित...

ना कधी भरतींन उधाण आलय

ना कधी ओहोटी 

कसलच कुणाकडुन

गुरुत्वाकर्षण नाही न म्हणुन 

असेल कदाचित...

कधी बाष्पीभवन पण होत नाही

सपुंन जायच म्हंटलं तर 

अन कधी झिरपतही नाही 

आतल्या आत

आटुन जायचं म्हंटलं तर 

अमर असेल मग भीष्मासारखं

कदाचीत......

पण त्याला

इच्छामरणाच वरदान तरी होतं 

हया समुद्रांन कुठवर अस

रहायच पडुन काखेतल्या केसासारखं