मास्तर

• मास्तर


पोरानीं पकडुन साळत आणलं
तवा मास्तर म्हणाल
साळा का बुडवतुस रं भाडया ?

पोरगं गपगुमानं म्हणालं
आईष्याची ईधानसभा झालीया मास्तर
बोलणा-याच ऐकुन कुणीच घेत न्हायी
नुसताच गोधंळ हाती कायबी लागत न्हायी
ईरोध करायचा म्हणुन केवळ
दुख येत्याती बघा हलगी वाजवत . . . . . . . .

तयार केलाय पक्ष म्हटल्याव
चालवावच लागत हरलु तरी जिकलु तरी
तसच चाललया बघा आईष्याचं
जगावच लागतया रोज हारतु तरी . . . . . . .

जुन्या नोटा बदलुन नव्या केल्या तसं
अंगावरची कापड काय बदलता न्हायी
आली बघा मास्तर
आयबा जन्मापासुन प्रामाणिक म्हणुन
रातोरात कोणाच्या शेतातल
चोरुनबी न्हायी खाता आलं बघा
मत खात्यात तसं मास्तर . . . . . . .

पक्ष बदलत्यात सहज
तसा गाव बी बदलुन बघितला
तिथ आधीपासनच ऊपाशी समदी
म्या नवा तिथ मला कुठुन खाया मिळणार
म्हणुन पुन्हा गाव बदलला मास्तर . . . . . .

देवा धर्माच्या जाती-पातीच्या
नावान घोषणा दिल्याकी तवा कुठ
कुणीतरी भाकर वाढत बघा मास्तर
पण, पुढच्या येळला त्याच
घोषणा माझ्या आधी कुणीतरी देऊन
भाकरच पळवतो बघा मास्तर . . . . . . .

नुसतीच भीक मागतुया वाटु नयी म्हणुन आश्वासनाचा राडंबाजार बी खोलला
आलती गि-हाईक बरीच पर
ईरोधीपक्षान तिथबी
बलात्काराची केस ठोकली
आपलीच बायको पाठवुन . . . . . . .

नग कुणाचीच संगत म्हणुन
अपक्ष ऊभ राहुन बघितल
पर मतच मिळालं न्हायी
आस झालं बघा मास्तर . . . . . .

पॉटात न्हायी काय तर
मास्तर साळा कुणाला आवडल व
न्हायी आलु साळत की
साळाद्रोही म्हणुन बोलायलाबी
कमी करत न्हायी बघा मास्तर . . . . . . . . .

दयाव लागत मत
नसल दयायच तरी
तसा पेपर तेवढ देऊन जातु बघा
प्रश्न चुकीची हायती
माहीत असुनबी मास्तर . . . . .

निकाल यतुया तवा
Income tax ची रेड पडुन
सापडलेलंबी लुटुन न्हयावं
तस होतया बघा मास्तर . . . . .

पास झालेली यडावुन दाखवत्यात
नापास झालेली पुढल्या येळला बघतु म्हणत्यात
माझं काय मास्तर म्या तर फुकटचा डिबार झालु
शिकायच की दाखला काढुन घ्यायचा
हा सवाल राजकारणारासारखा बघा मास्तर ?


                                     - विजय बिळुर
                 Copyright@vijaybilur8149..